Нам улууһугар Алмазэргиэнбанк эбии офис аста

Нам улууһугар «Алмазэргиэнбанк» АКБ АУо ситимин кэҥэтэн, ахсынньы 16 күнүттэн, олохтоохторго анаан үлэтин саҕалаабыта. Республикабытыгар тупсарыныы сыла биллэриллэн бу баан нөҥүө дьиэни-уоту тупсаҕай оҥорорго анаан кыра бырыһыаннаах кредит олохтонон, үгүс дьон дьиэлэрин толору хааччыллыылаах гына оҥоһуннулар. Онон кинилэр өҥөлөрүнэн туһаммыт Нам улууһун олохтоохторо кредиттэрин ханна да барбакка миэстэтигэр төлүүллэригэр күчүмэҕэйдэри көрсүбэт буоллулар. Ахсынньы 27 күнүгэр улуус киинигэр И.Е. Винокуров аатынан уулуссаҕа Алмазэргиэнбаан улуустааҕы филиалын хонтуоратын тутуу бастакы сыбаайатын түһэрдилэр уонна эбии офис аһыллыбын бэлиэтээн аалай кыһыл лиэнтэни «Нам улууһа» МТ баһылыга Александр Атласов, «Алмазэргиэнбанк» АКБ АУо правлениетын председателэ Людмила Николаева быстылар. 1 из 7 Тэрээһиҥҥэ улуус баһылыгын солбуйааччылара Марина Обутова, Ефим Гоголев, Ленскэй, Хамаҕатта, Хатыҥ Арыы нэһилиэктэрин баһылыктара, тэрилтэ салайааччылара, баан килийиэннэрэ кыттыыны ыллылар. Намҥа тэриллибит Алмазэргиэнбаан офиһын директорынан Владимир Соловьев ананан үлэтин саҕалаата. Александр Атласов, «Нам улууһа» МТ баһылыга: «Алмазэргиэнбаан салалтатын кытта хас да сыл кэпсэтиилэр бараннар, быйыл былааннарыгар киллэрэн, биһиэхэ эбии офис аһан үлэлэрин саҕалаатылар. Онон бу улууспутар үһүс улахан баан буолар. Улууска 25 тыһ. кэриҥэ киһи олорор, баан үлэлииригэр кыах баар буолуо дии саныыбын. Баан аҥардас биир эрэ салаанан буолбакка социальнай хайысханы эмиэ көрөр. Ол курдук, Алмазэргиэнбаан дьиэтин тутуу бастакы сыбаайата түстэ, ол дьиэ хонтуора эрэ буолбакка, дьон олорор кыбартыыралаах буолуохтаах, онон тэҥинэн бииргэ үлэлэһэбит»,- диэн санаатын үллэһиннэ.